RICOBONUS Antonius

RICOBONUS Antonius

Rhodiginus, Pauli Manutii, Car. Sigonii, et Ant. Mureti discipulus, adhuc iuvenis admodum summo cum plausu in patria docuit, Commentariosque Historiae suae, cum Fragmentis veterum Historicorum edidit, An aetat. 28. Inde Patavium vocatus, post obitum Robortelli, Eloquentiam ibi professus est, per annos 30. Obiit A. C. 1599. aetat. 58. inter Scaligeri inimicos, ab hoc proin porci Ricoboni con vitiô passim aspersus. Edidit complura, quorum catalogum habes in Elogiis Anton. Teilssier Part. 2. Vide quoque Pac. Phil. Thomam, Elog.